14-июлда Жогорку Кеңештин мурдагы депутаты, коомдук ишмер, ишкер Өмүрбек Абдрахманов 77 жашында дүйнөдөн кайтты. Бул кабарды парламенттин басма сөз кызматы жарыялады.
Өмүрбек Абдрахманов 1948-жылы Жалал-Абад облусунун Акман айылында туулган. 1969-1971-жылдары советтик армиянын катарында кызмат өтөгөн. 1977-жылы Кыргыз мамлекеттик университетинин механика-математика факультетин бүтүргөн. Эмгек жолун 1974-жылы Кыргыз мамлекеттик университетинин комсомол комитетинде катчынын орун басары болуп иштөөдөн баштаган. 1975-1980-жылдары студенттик отряддар штабынын командири, 1980-1987-жылдары Аламүдүн районундагы Стрельникова атындагы асыл тукум заводунун партиялык уюмунун катчысы болуп эмгектенген. 1987-жылдан 1989-жылга чейин Арашан айылдык кеңешинин төрагасы, 1991-жылдан тарта Чүй облустук кеңешинин башкармалыгынын жетекчиси, 1994-жылдан 2008-жылга чейин «Азат мебель» компаниясынын директору болгон.
2007-жылы март айында «Реформалар үчүн» кыймылынын координатору болгон. 2010-жылы "Ата Мекен" партиясынан Жогорку Кеңештин V чакырылышынын депутаты болуп шайланган.
2015-жылы "Ар-намыс" партиясынан депутаттыкка талапкерлиги коюп, парламентке өтпөй калган.
Соңку жылдары Кемин районунда алма өстүрүп, ишкерлик менен алектенип жүргөн.
"Азаттыктын" архивинен
"Азаттык" радиосу маркумдун жакындарына көңүл айтат.
Шерине